ಮಳವಳ್ಳಿ : ಸಾಮಾನ್ಯವಾಗಿ ಒಂದು ಕುರಿ ಟಗರಿನ ಬೆಲೆ ೨೦ ರಿಂದ ೩೦ ಸಾವಿರ, ಅದರಲ್ಲೂ ಉತ್ತಮ ತಳಿಯ ಕುರಿ ಟಗರಿಗೆ ೪೦ರಿಂದ ೫೦ ಸಾವಿರ ರೂ ವರೆಗೂ ಮಾರಾಟವಾಗ ಬಹುದೇನೊ, ಆದರೆ ಇಲ್ಲೊಂದು ಟಗರು ೧ ಲಕ್ಷದ ೯೧ ಸಾವಿರಕ್ಕೆ ಮಾರಾಟ ವಾಗುವ ಮೂಲಕ ಹೊಸ ದಾಖಲೆಯನ್ನು ನಿರ್ಮಿಸಿದೆ.
ಮಳವಳ್ಳಿ ತಾಲ್ಲೂಕಿನ ದೇವಿಪುರ ಗ್ರಾಮದ ಸಣ್ಣಯ್ಯ ಅವರು ಸಾಕಿದ್ದ ಈ ಬಂಡೂರು ವಿಶೇಷ ತಳಿಯ ಟಗರು ೧ ಲಕ್ಷದ ೯೧ ಸಾವಿರ ರೂ ಗಳಿಗೆ ಮಾರಾಟವಾಗಿ ಒಂದು ಹೊಸ ದಾಖಲೆಯನ್ನು ನಿರ್ಮಿಸಿದೆ.
ಸುಮಾರು ಎರಡು ವರ್ಷದ ಹಿಂದೆ ಒಂದು ಲಕ್ಷದ ಐದು ಸಾವಿರ ರೂ ಗಳಿಗೆ ಈ ಟಗರನ್ನು ಖರೀದಿಸಿದ್ದು ಅತ್ಯುತ್ತಮ ಗುಣಮಟ್ಟದ ಮಾಂಸದ ಜೊತೆಗೆ ಭಾರಿ ಜನಪ್ರಿಯವಾಗಿರುವ ಈ ಬಂಡೂರು ತಳಿಯ ಮರಿಗಳು ೪೦ರಿಂದ ೫೦ ಸಾವಿರಕ್ಕೆ ಮಾರಾಟವಾಗುತ್ತಿವೆ ಈ ಕಾರಣ ದಿಂದಲೇ ತಳಿ ಅಭಿವೃದ್ಧಿ ಗಾಗಿಯೇ ಈ ಟಗರನ್ನು ಅಷ್ಟು ಬೆಲೆ ಕೊಟ್ಟು ಖರೀದಿಸಿದ್ದೆ ಎನ್ನುತ್ತಾರೆ.
ಕಳೆದ ಎರಡು ವರ್ಷಗಳಲ್ಲಿ ನಮ್ಮ ಎಲ್ಲಾ ಕುರಿಗಳಿಗೆ ಈ ಟಗರಿನ ತಳಿಯನ್ನೇ ಕ್ರಾಸ್ ಬ್ರೀಡ್ ಮಾಡಿದ್ದು ಈ ವರೆಗೆ ಇದರ ತಳಿಯ ೪೦ರಿಂದ ೫೦ ಮರಿಗಳು ಜನಿಸಿದ್ದು ಅವೆಲ್ಲವೂ ಮಾರಾಟವಾಗಿದ್ದು ಇದರಿಂದ ಸುಮಾರು ೨೫ರಿಂದ ೩೦ ಲಕ್ಷ ಆದಾಯ ಗಳಿಸಿದ್ದೇನೆ ಎನ್ನುತ್ತಾರೆ ಸಣ್ಣಯ್ಯ.
ಇದೀಗ ನಮ್ಮ ಆತ್ಮೀಯರೊಬ್ಬರು ಈ ತಳಿಯ ಟಗರನ್ನು ನಮಗೊಂದು ಕೊಡಿ, ನಮ್ಮ ಭಾಗದಲ್ಲೂ ಈ ತಳಿಯನ್ನು ಕ್ರಾಸ್ ಬ್ರೀಡ್ ಮೂಲಕ ಅಭಿವೃದ್ಧಿ ಪಡಿಸುತ್ತೇವೆ ಎಂದು ಕೇಳಿ ಕೊಂಡ ಮೇರೆಗೆ ಈ ಟಗರನ್ನು ಮಾರಾಟ ಮಾಡುತ್ತಿರುವುದಾಗಿ ತಿಳಿಸಿದರು.
ಇಷ್ಟು ದುಬಾರಿ ಬೆಲೆಗೆ ಈ ಟಗರನ್ನು ಖರೀದಿಸಿರುವ ಮದ್ದೂರು ತಾಲ್ಲೂಕು ಕೊಪ್ಪ ಹೋಬಳಿಗೆ ಸೇರಿದ ಬಿದರ ಕೋಟೆ ಗ್ರಾಮದ ವಾಸಿ ಕಾಂತರಾಜು ಅವರು ಬಂಡೂರು ತಳಿ ಅಪರೂಪ ವಾದ ಭಾರಿ ಜನಪ್ರಿಯತೆ ಪಡೆದಿರುವ ಭಾರಿ ಬೇಡಿಕೆಯ ತಳಿಯಾಗಿದ್ದು ನಮ್ಮ ಭಾಗದಲ್ಲೂ ಈ ತಳಿಯನ್ನು ಅಭಿವೃದ್ದಿ ಪಡಿಸುವ ಉದ್ದೇಶ ದಿಂದ ಈ ಟಗರನ್ನು ಇಷ್ಟು ದುಬಾರಿ ಬೆಲೆಗೆ ಖರೀದಿಸಿದ್ದೇನೆ ಎಂದರು.
ಈ ತಳಿಯ ಒಂದೊAದು ಸಣ್ಣ ಮರಿಯೂ ಸಹ ೩೦ರಿಂದ ೪೦ ಸಾವಿರಕ್ಕೆ ಮಾರಾಟವಾಗುವುದ ರಿಂದ ಬಂಡವಾಳಕ್ಕೆ ತಕ್ಕಂತೆ ಲಾಭ ಗಳಿಸುವ ವಿಶ್ವಾಸ ವ್ಯಕ್ತಪಡಿಸಿದರು.
ದಾಖಲೆಯ ಬೆಲೆಗೆ ಮಾರಾಟ ವಾದ ಈ ಟಗರನ್ನು ಸಣ್ಣಪ್ಪ ನವರ ಮನೆಯಿಂದ ಗ್ರಾಮದ ಪ್ರಮುಖ ರಸ್ತೆಗಳಲ್ಲಿ ತಮಟೆ ನಗಾರಿಗಳೊಂದಿಗೆ ಅದ್ದೂರಿ ಮೆರವಣಿಗೆ ಮಾಡಲಾಯಿತು.
ನೂರಾರು ಮಂದಿ ಗ್ರಾಮಸ್ಥರು ಮುಖಂಡರು ಮೆರವಣಿಗೆಯಲ್ಲಿ ಪಾಲ್ಗೊಂಡಿದ್ದರು, ಜೊತೆಗೆ ಈ ಅಪರೂಪದ ತಳಿಯನ್ನು ಸಾಕಿ ಅದನ್ನು ದಾಖಲೆಯ ಬೆಲೆಗೆ ಮಾರಾಟ ಮಾಡಿದ ಸಣ್ಣಪ್ಪ ಅವರಿಗೆ ಮಾರ್ಗದುದ್ದಕ್ಕೂ ಹಾರ ತುರಾಯಿಗಳ ಮಾಹಾ ಪೂರವೇ ಹರಿದು ಬಂತು.
ನAತರ ಗ್ರಾಮದ ಹಿರಿಯಮ್ಮ ದೇವಾಲಯದಲ್ಲಿ ವಿಶೇಷ ಪೂಜೆ ಸಲ್ಲಿಸಿ ಟಗರನ್ನು ಬೀಳ್ಕೊಡಲಾಯಿತು.
More Stories
ಮಂಡ್ಯ ಅಮೃತ ಲಯನ್ಸ್ ಸಂಸ್ಥೆಗೆ ಜಿಲ್ಲಾ ರಾಜ್ಯಪಾಲರ ಅಧಿಕೃತ ಭೇಟಿ
ಮಳವಳ್ಳಿ ತಾಲೂಕಿನಲ್ಲಿ ಶಿಕ್ಷಕರು ಮತ್ತು ವಿದ್ಯಾರ್ಥಿಗಳಿಗೆ ಕಾರ್ಯಗಾರ
ಮಂಡ್ಯ ಅಮೃತ ಲಯನ್ಸ್ ಸಂಸ್ಥೆ ಯಿಂದ ವಿವಿಧ ಕಾರ್ಯಕ್ರಮ