ಅಪೌಷ್ಟಿಕ ತಡೆಗೆ ಪೋಷಣ ಮಾಸಾಚರಣೆ ಅಭಿಯಾನ

ರೋಣ: ತಾಲ್ಲೂಕಿನ ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆ , ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ, ತೋಟಗಾರಿಕೆ ಇಲಾಖೆ, ಗ್ರಾಮೀಣಾಭಿವೃದ್ಧಿ ಮತ್ತು ಪಂಚಾಯತ್ ರಾಜ್ ಇಲಾಖೆ ಇವರ ಆಶ್ರಯದಲ್ಲಿ ನಗರದ ಸ್ತ್ರೀ ಶಕ್ತಿ ಭವನದಲ್ಲಿ ಬುಧವಾರ ನಡೆದ ಅಪೌಷ್ಟಿಕ ತಡೆಗೆಗಾಗಿ ಸೆಪ್ಟೆಬಂರ್ ತಿಂಗಳಲ್ಲಿ ಆಚರಿಸುವ ಪೋಷಣ ಮಾಸಾಚರಣೆ ಅಭಿಯಾನಕ್ಕೆ ಚಾಲನೆ ನೀಡಲಾಯತು.

ಈ ವೇಳೆ ಮಾತನಾಡಿದ ತಾಲ್ಲೂಕಾ ಶಿಶು ಅಭಿವೃದ್ಧಿ ಯೋಜನಾಧಿಕಾರಿ ಹಾಗೂ ಜಿಲ್ಲಾ ನಿರೂಪಣಾ ಅಧಿಕಾರಿ ಬೆಟದಪ್ಪ ಮಾಳೆಕೊಪ್ಪ, ಮಕ್ಕಳಲ್ಲಿ ಅಪೌಷ್ಟಿಕತೆ, ರಕ್ತಹೀನತೆ ತಡೆಗಟ್ಟುವ ಉದ್ದೇಶದಿಂದ ಕೇಂದ್ರ ಸರ್ಕಾರ ಜಾರಿಗೆ ತಂದಿರುವ “ಪೋಷಣ ಮಾಸಾಚರಣೆ” ಅಭಿಯಾನ ತಾಲ್ಲೂಕಿನ ಎಲ್ಲೆಡೆ ಸೆಪ್ಟೆಂಬರ್ ೨ ರಿಂದ ೩೦ ರವರೆಗೆ ನಡೆಯಲಿದೆ ತಿಳಿಸಿದರು.

ಈ ಅಭಿಯಾನದಲ್ಲಿ ಆರೋಗ್ಯ, ನೈರ್ಮಲ್ಯ ವಿಷಯಗಳನ್ನು ಪ್ರತಿ ಮನೆಗೆ ತಿಳಿಸುವುದರ ಜೊತೆಗೆ ಪ್ರತಿ ಮನೆ, ಅಂಗನವಾಡಿಗೆ ಭೇಟಿ ನೀಡಿ ತೀವ್ರ ಅಪೌಷ್ಟಿಕ ಮಕ್ಕಳನ್ನು, ಗರ್ಭೀಣಿ ಮಹಿಳೆಯರನ್ನು ಗುರುತಿಸಿ ಆರೋಗ್ಯ ತಪಾಸಣೆ ನಡೆಸಲಾಗುವುದು ಎಂದರು.

ಕೋವಿಡ್ ನಿಯಮದಡಿ ಅಂಗನವಾಡಿ ಮಟ್ಟದಲ್ಲಿ ಕಾರ್ಯಕ್ರಮಗಳು ಪ್ರಾರಂಭವಾಗುತ್ತಿವೆ ಎಂದರು. ಬಾಲವಿಕಾಸ ಸಲಹಾ ಸಮಿತಿ, ಸ್ತ್ರೀ ಶಕ್ತಿ ಸಂಘಟನೆ, ಮಹಿಳಾ ಒಕ್ಕೂಟ, ಚುನಾಯಿತ ಪ್ರತಿನಿಧಿಗಳು, ಗ್ರಾಮ ಪಂಚಾಯ್ತಿ ಅಧಿಕಾರಿಗಳು, ಪ್ರಾಥಮಿಕ ಆರೋಗ್ಶ ಕೇಂದ್ರಗಳ ವೈದ್ಯಾಧಿಕಾರಿಗಳನ್ನು, ಕಾರ್ಯಕರ್ತೆಯರು ಪಾಲ್ಗೊಳ್ಳಲಿದ್ದಾರೆ ಎಂದರು.

ಬಸಮ್ಮ ಹುಲಿ, ರೇಖಾ ದೊಡ್ಡಮನಿ, ಆರ್. ಟಿ. ಮೆನಸಗಿ, ಆರ್. ಸಿ. ಶಹರಪುರ, ಕೆ. ಜಿ. ಬಾಗಮಾರ, ಎಸ್. ಹಾನಾಪುರ, ಆರ್. ಎಸ್. ಚಂದ್ರಣ್ಣವರ, ಸರೋಜಿನಿ ಬಡಗೇರ, ದೀಪಾ ಭಜಂತ್ರಿ, ರೇಣುಕಾ ಎಚ್ ಇದ್ದರು.

ವರದಿ ವೀರಣ್ಣ ಸಂಗಳದ ತಾಲ್ಲೂಕು ವರದಿಗಾರ