ಲತಾ ಭಟ್‌ಗೆ ಒಂದು ಸ್ವರ್ಣ, ಎರಡು ರಜತ ಪದಕ

ಹೊನ್ನಾವರ: ಕುಮಾರಿ ಲತಾ ಭಟ್ ಕವಲಕ್ಕಿ ಇವಳು ಹಿಮಾಚಲ ಪ್ರದೇಶದ ಸುಂದರನಗರದಲ್ಲಿರುವ ರೇಂರ‍್ಸ್ ಕಾಲೇಜಿನಲ್ಲಿ ವಲಯ ಅರಣ್ಯಾಧಿಕಾರಿ ತರಬೇತಿಯನ್ನು ಮುಗಿಸಿದ್ದು ಅರಣ್ಯ ಶಾಸ್ತçದಲ್ಲಿ ಮತ್ತು ವಲಯ ಆಡಳಿತದಲ್ಲಿ ರಜತ ಪದಕ ಮತ್ತು ಎಲ್ಲ ವಿಷಯಗಳಲ್ಲಿ ಸಂಯುಕ್ತವಾಗಿ ಸ್ವರ್ಣ ಪದಕ ಪಡೆದಿರುತ್ತಾಳೆ.
ಬಾಲ್ಯದಲ್ಲಿಯೇ ತಂದೆ ತಾಯಿಯನ್ನು ಕಳೆದುಕೊಂಡು ಮಾವ ಎಸ್.ಆರ್.ಎಲ್.ನ ವೆಂಕಟ್ರಮಣ ಹೆಗಡೆ ಮತ್ತು ಅತ್ತೆ ಗೀತಾ ಇವರ ಮಾರ್ಗದರ್ಶನದಲ್ಲಿ ಬೆಳೆದು ಓದಿನಲ್ಲಿ ಸದಾ ಮುಂದಿದ್ದು ವಿದ್ಯಾರ್ಥಿವೇತನದಿಂದಲೇ ಶಿರ್ಸಿ ಅರಣ್ಯ ಕಾಲೇಜಿನಲ್ಲಿ ಬಿಎಸ್‌ಸಿ ಅರಣ್ಯಶಾಸ್ತç ಪದವಿ ಪಡೆದಿದ್ದಾಳೆ. ಬಾಲ್ಯದಲ್ಲಿ ಆಶ್ರಯ ನೀಡಿದ ಹಾಗೂ ಮಗಳಂತೆ ಪೋಷಿಸಿದ ಅತ್ತೆ, ಮಾವ, ಅವಳನ್ನು ಸರ್ಕಾರಿ ಅಧಿಕಾರಿಯಾಗು ಎಂದ ಅಜ್ಜನ ಆಶೀರ್ವಾದವನ್ನು ನೆನೆಸಿಕೊಳ್ಳುವ ಲತಾ ಗುರಿ ದೊಡ್ಡದಾಗಿದ್ದರೆ ಜೀವನದಲ್ಲಿ ಬರುವ ಸಮಸ್ಯೆಗಳೆಲ್ಲಾ ಗೌಣ ಎಂಬುದನ್ನು ಸಾಬೀತುಪಡಿಸಿದ್ದಾಳೆ.