ಕುಮಟಾ ಕನ್ನಡ ಸಂಘದಿOದ ಇಬ್ರಾಹಿಂ ಸುತಾರ್ ಹಾಗೂ ಲತಾ ಮಂಗೇಶ್ಕರ್ ರವರಿಗೆ ಶ್ರದ್ಧಾಂಜಲಿ

ಕುಮಟಾ : ನಮ್ಮನ್ನಗಲಿದ ದಿವ್ಯ ಚೇತನಗಳಾದ ಪದ್ಮಶ್ರೀ ಇಬ್ರಾಹಿಂ ಸುತಾರ್ ಹಾಗೂ ಗಾನ ಕೋಗಿಲೆ ಲತಾಮಂಗೇಶ್ಕರ್ ಅವರಿಗೆ ಕುಮಟಾ ಕನ್ನಡ ಸಂಘದಿAದ ಭಾನುವಾರ ಶ್ರದ್ದಾಂಜಲಿ ಸಲ್ಲಿಸಲಾಯಿತು.

ಸಂಘದ ಅಧ್ಯಕ್ಷ ಸದಾನಂದ ದೇಶಭಂಡಾರಿ ಮಾತನಾಡಿ ಕನ್ನಡದ ಕಬೀರ ಎಂದೇ ಹೆಸರಾಗಿದ್ದ ಇಬ್ರಾಹಿಂ ಸುತಾರ್ ಅವರು ಭಾವೈಕ್ಯ ಸಂದೇಶ ಸಾರುವ ಸಂತರಾಗಿದ್ದರು. ಕುರಾನ್, ಬೈಬಲ್, ಭಗವದ್ಗೀತೆ, ಶರಣರ ತತ್ವಗಳ ಅಧ್ಯಯನ ಮಾಡಿದವರಗಾಗಿದ್ದರು. ಪ್ರವಚನ, ಗೀತೆಗಳ ಮೂಲಕ ಜನರಲ್ಲಿ ಸಮಾನತೆ,ಧರ್ಮ ಸಹಿಷ್ಣುತೆ ಪಾಠ ಮಾಡುತ್ತಿದ್ದರು ಅವರಿಂದು ನಮ್ಮ ನಡುವೆ ಇಲ್ಲದಿದ್ದರೂ ಕನ್ನಡಿಗರ ಮನದಲ್ಲಿ ಶಾಶ್ವತವಾಗಿರುತ್ತಾರೆ ಎಂದರು. ಕಾರ್ಯದರ್ಶಿ ಮಂಜುನಾಥ ಗಾಂವಕರ್ ಬರ್ಗಿ ಮಾತನಾಡಿ ಸುತಾರ್ ಹಾಗೂ ಲತಾ ಮಂಗೇಶ್ಕರ್ ಅವರ ಅಗಲಿಕೆ ದೇಶಕ್ಕೆ ತುಂಬಲಾರದ ನಷ್ಟ.ಕನ್ನಡ ನಾಡು ಸಂತರೊಬ್ಬರನ್ನು ಕಳೆದುಕೊಂಡು ನಾಡು ಬಡವಾಗಿದೆ. ಗಾನ ಕೋಗಿಲೆ ಲತಾ ಮಂಗೇಶ್ಕರ್ ಅವರು ತಮ್ಮ ಅದ್ಬುತವಾದ ಕಂಠ ಸಿರಿಯಿಂದ ಎಲ್ಲೇಡೆ ಖ್ಯಾತ ರಾಗಿದ್ದರು. ಅವರ ಕುಟುಂಬಕ್ಕೆ ಭಗವಂತ ದುಃಖ ಭರಿಸುವ ಶಕ್ತಿ ನೀಡಲಿ ಎಂದರು. ಸಂಘದ ಗೌರವಾಧ್ಯಕ್ಷ ಡಾ ಎಮ್ ಆರ್ ನಾಯಕ, ಸಂಚಾಲಕ ಜಯದೇವ ಬಳಗಂಡಿ , ಸಂಯೋಜಕ ತಿಗಣೇಶ ಮಾಗೋಡ,ಖಜಾಂಚಿ ಆರ್ ಏನ್ ಹೆಗಡೆ,ಉಪಾಧ್ಯಕ್ಷ ನಿತಿನ್ ಗೌರಯ್ಯ ಎಮ್ ಜಿ ಭಟ್ ಇನ್ನಿತರರು ಇದ್ದರು,