ಬೇಂಗ್ರೆ ಗ್ರಾಮ ಪಂಚಾಯತ 2 ರಲ್ಲಿ ಗ್ರಾಮ ಪಂಚಾಯತ ಸದಸ್ಯರಾದ ಪರಮಯ್ಯ ಅವರಿಂದ ಊರ ಜನರಿಗೆ ತರಕಾರಿ ಕಿಟ್ ವಿತರಣೆ:

ಕಳೆದ ಕೆಲವು ದಿನಗಳಿಂದ ಕೊರೋನಾ ಮಹಾ ಮಾರಿಯಿಂದಾಗಿ ದೇಶವೇ ಸಂಕಷ್ಟಕ್ಕೆ ಸಿಲುಕಿದೆ.ಇಂತಹ ಕಠಿಣ ಸಮಯದಲ್ಲಿ ಅನೇಕ ಬಡವರು ದಿನನಿತ್ಯದ ಆಹಾರಕ್ಕೂ ಪರಿತಪಿಸುವಂತಾಗಿದೆ.ಅನೇಕ ದಾನಿಗಳು ತಮ್ಮ ಕೈಲಾದ ಮಟ್ಟಿಗೆ ಜನರ ಸಂಕಷ್ಟ ನಿವಾರಣೆಗಾಗಿ ಸಹಾಯ ಹಸ್ತ ಚಾಚುತ್ತಿದ್ದಾರೆ.

ಹಾಗೆಯೇ ಬೇಂಗ್ರೆ ಗ್ರಾಮ ಪಂಚಾಯತ 2 ದ ಸದಸ್ಯರಾದ ಪರಮಯ್ಯ ಅವರು ತಮ್ಮ ಪಂಚಾಯತ ವ್ಯಾಪ್ತಿಯ ಪಡುಶಿರಾಲಿ ಮತ್ತು ಕೊಗ್ತಿ ಪ್ರದೇಶದ ಸುಮಾರು 600 ಮನೆಗಳಿಗೆ ತರಕಾರಿ ಕಿಟ್ ವಿತರಣೆ ಮಾಡಿರುತ್ತಾರೆ.ಇವರ ಈ ಕೆಲಸಕ್ಕೆ ಊರ ನಾಗರಿಕರು ಅಭಿನಂದನೆ ಸಲ್ಲಿಸಿರುತ್ತಾರೆ.