ಭೈರನಪಾಳ್ಯ ಗ್ರಾಮದ ಕೂಲಿ ಕಾರ್ಮಿಕರಿಗೆ ಅನ್ನ ದಾಸೋಹ ನೀಡುವ ಕಾರ್ಯಕ್ಕೆ ಹರೀನಹಳ್ಳಿ ರಘು ಅವರಿಂದ ಚಾಲನೆ.

ಕೆ.ಆರ್.ಪೇಟೆ: ತಾಲ್ಲೂಕಿನ ಬೆಡದಹಳ್ಳಿಯ ಶ್ರೀ ಪಂಚಭೂತೇಶ್ವರ ಸುಕ್ಷೇತ್ರದ ವತಿಯಿಂದ ತಾಲ್ಲೂಕಿನ ಅಗ್ರಹಾರಬಾಚಹಳ್ಳಿ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಭೈರನಪಾಳ್ಯ ಗ್ರಾಮದ ಕೂಲಿ ಕಾರ್ಮಿಕರಿಗೆ ಕೊರೋನ ಲಾಕ್ ಡೌನ್ ಹಿನ್ನೆಲೆಯಲ್ಲಿ ಅನ್ನ ದಾಸೋಹ ನೀಡುವ ಕಾರ್ಯಕ್ಕೆ ಹರಿರಾಯನಹಳ್ಳಿಯ ಮುಖಂಡರು ಹಾಗೂ ಗ್ರಾಮ ಪಂಚಾಯತಿ ಮಾಜಿ ಸದಸ್ಯರಾದ ಹರೀನಹಳ್ಳಿ ರಘು ಅವರು ಚಾಲನೆ ನೀಡಿದರು.

ಅವರು ಮಾತನಾಡಿ ದೇಶದಲ್ಲೇಡೆ ಮಹಾಮಾರಿ ಕೊರೋನ ಎರಡನೇ ಅಲೆ ಸೃಷ್ವಿಯಾಗಿ ಜನ ಜೀವನ ಪರಿತಪಿಸುವಂತಾಗಿದೆ. ಬೀದಿ ಬದಿ ವ್ಯಾಪಾರಿಗಳು , ಬಡವರು, ಸೇರಿದಂತೆ ನಿರಾರ್ಶಿತರು ಆಹಾರವಿಲ್ಲದೆ ಪರಿತಪಿಸುವಂತಾಗಿದೆ. ಇಂತಹ ಸಂದರ್ಭದಲ್ಲಿ ವಿಷಯ ತಿಳಿದ ಶ್ರೀ ಪಂಭೂತೇಶ್ವರ ಸುಕ್ಷೇತ್ರದ ಪೀಠಾಧ್ಯಕ್ಷರಾದ ಶ್ರೀ ರುದ್ರಮುನಿ ಗುರೂಜಿಯವರು ಭೈರನಪಾಳ್ಯ ಗ್ರಾಮದ ಜನರಿಗೆ ದಾನಿಗಳ ಹಾಗೂ ಕ್ಷೇತ್ರದ ಭಕ್ತರ ಸಹಕಾರದಿಂದ ಬೆಳಿಗ್ಗೆ ಹಾಗೂ ರಾತ್ರಿ ಊಟದ ವ್ಯವಸ್ಥೆ ಮಾಡಿರುವುದು ಶ್ಲಾಘನೀಯವಾದ ವಿಚಾರವಾಗಿದೆ ಎಂದರು.
ಈ ಸಂದರ್ಭದಲ್ಲಿ ಸುಕ್ಷೇತ್ರದ ಕಾರ್ಯದರ್ಶಿ ಬೆಡದಹಳ್ಳಿ ಕಾಂತರಾಜು, ಚಿಲ್ಲದಹಳ್ಳಿ ಗ್ರಾಮ ಪಂಚಾಯಿತಿ ಸದಸ್ಯರು ಆರ್.ಶ್ರೀನಿವಾಸ್, ಕಾಮನಹಳ್ಳಿ ಮಂಜುನಾಥ್, ಗ್ರಾಮದ ಯಲ್ಲಮ್ಮ ಇದ್ದರು.
ವರದಿ: ಅಗ್ರಹಾರಬಾಚಹಳ್ಳಿ ಶ್ರೀನಿವಾಸ್ ಕೆ.ಆರ್.ಪೇಟೆ