ಪ್ರಗತಿ ವಿದ್ಯಾಲಯ ಆಂಗ್ಲಮಾಧ್ಯಮ ಶಾಲೆ ಮೂರೂರಿನಲ್ಲಿHow to conduct Program ತರಬೇತಿ

ಕುಮಟಾ :- ಶಾಲೆಯಲ್ಲಿ ಹಾಗೂ ಸಾರ್ವಜನಿಕ ಸ್ಥಳಗಳಲ್ಲಿ ಅಚ್ಚುಕಟ್ಟಾಗಿ ಕಾರ್ಯಕ್ರಮಗಳನ್ನು ಸಂಘಟಿಸುವ ಹಾಗೂ ನಿರ್ವಹಿಸುವ ಕುರಿತಾಗಿ ಕುಮಟಾ ತಾಲೂಕು ಮೂರೂರಿನ ಪ್ರಗತಿ ವಿದ್ಯಾಲಯ ಆಂಗ್ಲ ಮಾಧ್ಯಮ ಶಾಲೆಯಲ್ಲಿ ಶಿಕ್ಷಕರಿಗೆ ಮಾಹಿತಿ ಕಾರ್ಯಾಗಾರ ನಡೆಯಿತು.
ಕಾರ್ಯಕ್ರಮದಲ್ಲಿ ಶಾಲೆಯ ಆಡಳಿತಾಧಿಕಾರಿಯಾದ ಜಿ.ಎಮ್.ಭಟ್ಟ ಕಾರ್ಯಕ್ರಮವನ್ನು ವ್ಯವಸ್ಥಿತವಾಗಿ ನಡೆಸುವ ವಿಧಿ ವಿಧಾನಗಳ ಕುರಿತು, ಸಭಾ ನಡವಳಿಕೆಯ ಕುರಿತು, ವೇದಿಕೆ ಪೂರ್ವತಯಾರಿ, ಆಸನ ವ್ಯವಸ್ಥೆ, ಉದ್ಘಾಟನಾ ಸಿದ್ಧತೆ ಕುರಿತು ಕಾರ್ಯಕ್ರಮವನ್ನು ಅಚ್ಚುಕಟ್ಟಾಗಿ ಆಯೋಜಿಸುವ ಮಾರ್ಗೋಪಾಯಗಳನ್ನು, ಕಾರ್ಯಕ್ರಮದ ಯಶಸ್ಸಿಗೆ ಬೇಕಾದ ಅವಶ್ಯಕ ಯೋಜನೆಯ ಕುರಿತಾಗಿ ಸೂಕ್ತ ಮಾರ್ಗದರ್ಶನ ನೀಡಿದರು.
ಕಾರ್ಯಕ್ರಮದಲ್ಲಿ ವಿದ್ಯಾನಿಕೇತನ ಸಂಸ್ಥೆಯ ಶಿಕ್ಷಣ ವಿಭಾಗದ ಸಂಚಾಲಕರಾದ ಶ್ರೀ ಟಿ.ಆರ್.ಜೋಶಿ, ಶಾಲಾ ಮುಖ್ಯಾಧ್ಯಾಪಕರು, ಶಿಕ್ಷಕರು ಪಾಲ್ಗೊಂಡಿದ್ದರು.
ಶಿಕ್ಷಕಿ ಕು.ಪೂರ್ಣಿಮಾ ಮಡಿವಾಳ ಸ್ವಾಗತಿಸಿದರು, ಶಿಲ್ಪಾ ನಾಯ್ಕ ವಂದಿಸಿದರು. ಮನೋಹರ ಹರಿಕಂತ್ರ ಕಾರ್ಯಕ್ರಮ ನಿರೂಪಿಸಿದರು