ಕಲ್ಲಬ್ಬೆಯಲ್ಲಿ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯ ಎರಡು ತರಗತಿ ಕೊಠಡಿಗಳ ಉದ್ಘಾಟನೆ

ಕುಮಟಾ ತಾಲೂಕಿನ ಕಲ್ಲಬ್ಬೆಯಲ್ಲಿ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಗೆ ನಬಾರ್ಡನ ೨೨ ಲಕ್ಷ ರೂಪಾಯಿ ಅನುದಾನದಲ್ಲಿ ನಿರ್ಮಿಸಿದ ಎರಡು ತರಗತಿ ಕೊಠಡಿಗಳನ್ನು ಶಾಸಕ ದಿನಕರ ಶೆಟ್ಟಿ ಶುಕ್ರವಾರ ಉದ್ಘಾಟಿಸಿದರು

ಬಳಿಕ ಮಾತನಾಡಿದ ಅವರು , ಗ್ರಾಮೀಣ ಭಾಗದಲ್ಲಿ ಶತಮಾನಗಳ ಹಿಂದೆ ಶಿಕ್ಷಣ ಸೇವೆ ನೀಡಿದ ಇಂಥ ಶಾಲೆಗಳು ಸಮಾಜದ ಸರ್ವತೋಮುಖ ಉನ್ನತಿಯಲ್ಲಿ ಮಹತ್ವದ ಪಾತ್ರ ವಹಿಸಿವೆ . ಸಾವಿರಾರು ಸುಶಿಕ್ಷಿತ ನಾಗರಿಕರನ್ನು ಇಂಥ ಶಾಲೆಗಳು ನೀಡಿವೆ . ಸ್ಥಳೀಯರ ಬೇಡಿಕೆಯಂತೆ ನೂರಾರು ವರ್ಷ ಹಳೆಯ ಹಾಗೂ ತೀರಾ ಶಿಥಿಲ ಸ್ಥಿತಿಯಲ್ಲಿದ್ದ ಇಲ್ಲಿನ ತರಗತಿ ಕೊಠಡಿಗಳನ್ನು ಬದಲಿಸಿ ನೂತನವಾಗಿ ಸುಸಜ್ಜಿತವಾಗಿ ನಿರ್ಮಿಸಲಾಗಿದೆ . ಇದರಿಂದ ಗ್ರಾಮದ ಜನರ ಶೈಕ್ಷಣಿಕ ಅಗತ್ಯತೆ ಪೂರ್ಣಗೊಳ್ಳುತ್ತದೆ ಎಂದರು . ಕಾರ್ಯಕ್ರಮದಲ್ಲಿ ಗ್ರಾಪಂ ಅಧ್ಯಕ್ಷ ಗಿರಿಯಾ ಗೌಡ ಅಧ್ಯಕ್ಷತೆ ವಹಿಸಿದ್ದರು . ಉಪಾಧ್ಯಕ್ಷ ಗೋಪಿ ಗೌಡ , ಸದಸ್ಯ ರವಿ ಹೆಗಡೆ , ತೆ . ಸುಬ್ರಹ್ಮಣ್ಯ ಭಟ್ಟ , ಕಮಲಾ ಮುಕ್ರಿ , ಬಿಇಒ ಆರ್ . ಎಲ್ . ಭಟ್ಟ ಸಿಡಿಪಿಒ ನಾಗರತ್ನಾ ನಾಯಕ , ಬಿಆರ್‌ಸಿ ರೇಖಾ ನಾಯ್ಕ ತೆ , ಮುಖ್ಯ ಶಿಕ್ಷಕಿ ಮಂಗಲಾ ಹೆಗಡೆ ಇತರರಿದ್ದರು .